Բողոքի Ցոյց Գանատայի մէջ` Առ Ի Զօրակցութիւն Ալեքսանտր Լափշինի – Article published in the Horizon Weekly newspaper

Բողոքի Ցոյց Գանատայի մէջ` Առ Ի Զօրակցութիւն Ալեքսանտր Լափշինի

ՀՅԴ Գանատայի Երիտասարդական միութիւնը եւ ՀՅԴ Գանատայի Պատանեկան միութիւնը Փետրուար 4-ին Մոնթրէալի ՄԱԿ-ի գրասենեակին առջեւ կատարեցին բողոքի ցոյց մը` առ ի զօրակցութիւն 15 դեկտեմբերին Մինսքի մէջ Ազրպէյճանի պահանջով ձերբակալուած, Իսրայէլի եւ Ռուսիոյ քաղաքացի Ալեքսանտր Լափշինի ուղղուած մեղադրանքին` առանց Ազրպէյճանի թոյլտուութեան 2011 եւ 2012 թուականներուն Լեռնային Ղարաբաղի Հանրապետութիւն այցելելուն համար: Ազրպէյճանը զայն ներառած է իր սեւ ցանկին մէջ, եւ դատախազութիւնը քրէական գործ յարուցած է` Ազրպէյճանի տարածքային ամբողջականութեան ոտնահարման մեղադրանքով:

ՀՅԴ Գանատայի Երիտասարդական միութեան բանբեր մը յայտնեց, որ Ալեքսանտր Լափշին պէտք չէ բանտարկուի իր կարծիքը արտայայտելուն կամ վիճելի շրջան այցելելուն համար եւ կոչ ուղղեց Պիելոռուսիոյ իշխանութիւններուն ազատ արձակելու պլոկըրը եւ թոյլ տալու անոր` վերադառնալ տուն։